Category: Uncategorized

Eingin man ivast í tí týdningi, sum virksemið hjá Mercy Ships hevur havt og framvegis fer at hava fyri fólkið í Afrika.

Túsundtals og aftur túsundtals fólk í neyðstøðu kunnu glað vitna um, hvussu tey fingu eitt annað lív eftir at tey komu í samband við sjálvbodnu starvsfólkini umborð á Africa Mercy.
Nú, ið nýggja skipið ”Global Mercy” skjótt leggur frá landi, fara uppaftur fleiri at fáa gleði og gagn av virkseminum umborð.
Tað eru tó kortini ikki einans hesi 100.000-tals fólkini í londunum við sjóvarmálan í Afrika, sum hava fingið eyguni upp fyri hesum týdningarmikla arbeiði.
Fleiri av stjórnarleiðarunum í Afrika og onnur leiðandi fólk kunnu siga tað sama: Uttan hjálpina frá Mercy Ships hevði verið illa statt hjá mongum fólkum.

Vit lata nøkur av hesum kendu fólkinum siga sína hugsan um týdningin av missiónsarbeiði teirra:

Nelson Mandela (1918 – 2013), fyrrverandi forseti í Suðurafrika:
– Eg havi havt gleðina av at hoyra um ein óvanligan bólk av menniskjum úr øllum heiminum, sum hava víst eina makaleysa samkenslu í tænastu síni fyri mannaættina.
– Hesi menniskju seta ein serstakan standard. Tey gjalda í roynd og veru fyri at arbeiða, sum er óvanligt í dag. Við stuðli frá øðrum fara tey heimanífrá fyri at tæna sera fátækum menniskjum í Afrika.

Tony Blair, (1953 -), fyrrverandi forsætisráðharri í Bretlandi:
– Teirra arbeiði røkkur longri, enn bert at geva heilsu og linna til tey sjúku.

– Tey skapa eina atmosferu av kærkomnari vón á støðunum, har tey arbeiða. Eg frøist um at kunna geva mín stuðul til Mercy Ships.

Alexander Rybak, (1986), norskur sangari:
– Vit skulu ikki geva við ringari samvitsku, bara tí at vit hava tað so gott.
Vit eiga at stuðla við einum ynski um at lyfta onnur fram á leiðini.

Desmond Tutu, (1931 – 2021), fyrrverandi erkabispur í Suðurafrika:
– Eg veit, at eg tosi vegna nógvar milliónir av menniskjum, tá eg sigi 1000 takk til tykkum fyri kærleika, umsorgan og mátan, sum tit offra tykkum sjálvi uppá.
Tit eru bara so ótrúlig. 1000 takk!

Tað kann vera at seks ára gamla Djimby er lítil á vøkstri, men hon hevur eina ótrúliga megi í sær. Hon fylgir í fótasporunum á ommuni Ndeye, sum hevur lært hana nógv um, hvat eitt gott lív er.

Samstundis við hetta kundi Djimby staðfesta, at megi hennara kundi ikki einsamøll gera nakað við pínuna, sum hon mátti liva við. Beinini vuksu skeivt, – tað høvdu tey í roynd og veru gjørt, síðani Djimby lærdi at ganga.
Ein dagin kom omman heim til Djimby á vitjan. Hon sá beinanvegin, at her var okkurt galið. Hon gjørdist sera hørm, tá hon kundi staðfesta, at Djimby hevði eitt ógvusligt brek, sum hon ynskti at finna eina loysn á:
– Eg kundi ikki bara sita soleiðis, og síggja, hvussu hon leið av hesum brekinum, greiðir omman frá.
Hon gjørdi ikki mætari enn at taka Djimby heim við sær, og gjørdi sær til sítt lívsmál at finna hjálp til ommudóttrina.

FRÍSK OMMA
Trý ár seinni høvdu royndirnar hjá Ndeye ikki givið nakað úrslit. Samstundis nærkaðist fyrsti skúladagurin hjá Djimby meiri og meiri, og fylti hetta eisini nógv í huganum hjá ommuni.
Støðan hjá Djimby var soleiðis, at hon ofta vaknaði av pínu á miðjari nátt. Fekk hon ikki eina skurðviðgerð fyrst, so fór hon ikki at megna at ganga til skúlan, sum lá væl burtur frá heimi hennara.
Nógvar avbjóðingar stóðu fyri framman, men Ndeye misti ikki vónina.
– Eg eri væl fyri, og eg kann ganga, segði eg mangan við meg sjálva. – So leingi tað er lív í mær, so leingi skal eg leita eftir einihvørjari loysn.
Grannar, vinir og familja søgdu henni, at hon eins væl kundi gevast á hondum. Tey ivaðust ølkl í, um Djimby nakrantíð fór at gerast frísk.

STÓRT HVÍTT SKIP
Tíbetur var Ndeye soleiðis skapað, at hon gjørdist meiri íðin, tess størri mótstøðu hon fekk. At hon hevði ein trúgv á Jesus gjørdi tað eisini ógjørligt hjá henni at trúgva annað enn, at Djimby fór at gerast frísk aftur.
Men sjálvt Ndeye dugdi ikki at síggja fyri sær, hvussu henda loysnin fór at verða, tá henda umsíðir var har: Eitt stórt, hvítt hospitals-skip kundi nevniliga bjóða júst ta hjálpina, sum Djimby hevði tørv á.
Henda loysnin lá við bryggju í høvuðsstaðnum Dakar, 218 kilometrar frá heimbygdini, – nevniliga Africa Mercy.
Stutt eftir kom grannin við heimsins bestu tíðindum, og so fóru Djimby og omman avstað til Dakar. Tað loysti seg at fara, tí hon fekk nú eitt tilboð um eina lekjandi skurðviðgerð.

EITT BROYTT LÍV
Hon flutti ein fótin fram og síðani fylgdi hin spakuliga eftir, hóast tað píndi. Soleiðis helt hon áfram, til hon ein dagin fekk boð um, at hon nú kundi fara til hús aftur.
Nú kundi skúlin bara byrja. Og Ndeye sær nú at ommudótturin kann fáa eina ljósa framtíð, ikki minst tí hon kann ganga sum hini.
– Mercy Ships fekk meg at gloyma allar trupulleikarnar, ið vit høvdu havt. Eg vóni, at Djimby fer at broyta lívið hjá mongum, á sama hátt sum Mercy Ships broytti hennara lív!

Sum yngri hevði Ly Cheick nógvar spennandi ætlanir fyri framtíðina. Men ein dagin steðgaðu allar hesar ætlanirnar brádliga upp.

Henda dagin merkti hann ein klump í munninum, og meiri óróligur gjørdist hann, tá hann legði merki til, at klumpurin vaks alsamt.
Lækni hansara bað Ly fara til tannklinikkina á Gamal Abdul Nasser University í Conakry, sum er høvuðsstaður í afrikanska landinum Guinea. Hetta er samstundis tann klinikkin, sum Mercy Ships hevur dagført og sum felagsskapurin samstarvar við.
Henda klinikkin er í roynd og veru ein depil fyri tey, sum ynskja at gerast tannlæknar í Guinea.
Takkað veri nútíðar tøkni kundi tannlækna-toymið vátta illgruna hansara: Ly, sum í dag mitt í 20’unum, hevði ein knykil í ovara parti av munnholuni.
Hann var kannaður gjøllari, og tá sást týðiliga, at knykilin var til støddar sum ein golfbóltur. Staðfestast kundi samstundis, at hesin knykilin fór at gera lív hansara meiri og meiri ótespiligt.
Støðan var púra greið: Fekk Ly ikki skjóta hjálp, so var deyðin vísur.
Tað var professarin Raphiou Diallo, sum stóð fyri skurðviðgerðini. Hann hevur samstarvað við Mercy Ships í fleiri ár.
– Tað var gott fyri hann, at vit hava eina slíka røntgen-maskinu, sum kann taka panorama-myndir, greiðir læknin frá.
– Við hesi kunnu vit seta ein diagnosu á byrjunarstigi, og haraftrat til ein lágan kostnað.

NÁTTÚRULÆKNAR
Av tí at Ly fekk skjóta hjálp, er hann komin so skjótt fyri seg, at hann kundi halda fram við lesnaði sínum.
Í heimlandi hansara eru øll ikki eins heppin og hann: Avmarkað tilfeingi, ring fíggjarstøða og stór landafrøðilig fjarstøða ger sítt til, at mong venda sær til siðbundnar náttúrulæknar, sum hvørki kunnu taka eina sjúkuavgerð, og enn minni fremja eina skurðviðgerð.
Støðan er, at gongur ov long tíð, er ikki gjørligt at taka ein slíkan knykil burtur. Úrslitið av hesum er, at mong menniskju doyggja orsakað av hesum.
Tað er hesum, sum dr Diallo og hansara toymi ynskja at berjast ímóti.

– EG ERI SO GLAÐUR
Fyri Ly merkti henda skurðviðgerðin alt. Tað er, sum hann sigur:
– Eg eri so glaður. Nú, ið knykilin er burtur, havi eg fingið eitt heilt annað lív.
Og Dr Diallo leggur brosandi aftrat:
– Eg eri so errin av tí, sum Mercy Ships hevur gjørt,. Um vit halda fram við hesi verkætlanini, kunnu vit fáa nógvar dugnaligar tannlæknar í fleiri av býunum í Guinea.
– Soleiðis verður gjørligt at forða komplikasjónum. Vit kunnu her gera okkara til, at støðan ikki gerst álvarsamari og versnar. Vit kunnu eisini avgera um ein knykil ella illkynjaður ella góðkynjaður tíðliga í gongdini.
Ly Cheick er eitt gott dømi um tann týdning, tað hevur at arbeiða við eini langtíðarætlan. Mercy Ships fara framvegis at gera í túsundatali av skurðviðgerðum umborð á Africa Mercy og nú eisini Global Mercy.
Takkað verið útbúgving og mentor-verkætlanum, sum til dømis hesin tannlækna-skúlin í Guinea, kunnu lokalir skurðlæknar framhaldandi tryggja skurðviðgerðir, sum fólk hava ráð at gjalda fyri – langt aftaná at hospitals-skipið hevur lagt til brots til eina nýggja havn í øðrum landi.

Nakað undan jólum vitjaði danska sjónvarpsrásin umborð á nýggja skipinum. Samrøðan var send í tíðindunum í kvøld, jóladag!

Nú eru ikki nógvir mánaðir eftir til Global Mercy fer á sín fyrsta túr – úr Antwerpen í Belgia til Dakar í Senegal.

(Sjálvt innslagið er ikki tókt enn á heimasíðu teirra!)

Les meiri her:
https://www.mercyships.dk/fotos-tv2-nyhederne-besoeger-global-mercy/

Fra Antwerpen vil vi fortælle den fascinerende historie om klargøringen af Global Mercy – det første specialbyggede hospitalsskib. Med Global Mercy bliver det muligt at fordoble vores indsats og på den måde hjælpe endnu flere af de mennesker, der har allermest brug for det.

“Et af mine budskaber er, at vi mangler flere frivillige, der næste år vil på deres livs eventyr med hospitalsskibet i Afrika,” fortæller Christian Sophus Ehlers, der har fungeret som interim direktør det seneste år hos Mercy Ships Danmark.

“Det er ikke kun faguddannede sundhedsfolk eller folk fra det maritime Danmark, vi mangler. Det er i høj grad også frivillige til de mange serviceroller ombord: Rengøring, køkken, reception, mv.” 👩‍🍳

Her taler TV2 med frivillig kaptajn Taylor Perez, der har været kaptajn på alle skibe i Mercy Ships-flåden. Kaptajn Taylor Perez bidrager med over 40 års erfaring til søs.

Vi håber med indslaget at kunne nå ud til endnu flere folk med vores sag: At tilbyde gratis sundhedsydelser og kapacitetsopbygning i Afrika.

Til foråret sejler Global Mercy til Afrika, – nærmere betegnet Dakar, Senegal – hvor de første patienter går ombord og for altid får forandret deres liv.

Vil du se, hvordan et flydende hospital egentlig ser ud?
Klik her 🚢 📷